تنويه: يرجى عدم السماع لبودكاست العصفورة للاطفال اقل من 18 سنة بدون مراقبة ولي الامر. ويفضل عدم الاستماع لو كنت اقل من 21 سنة. بودكاست العصفورة يتناول قضايا هامة ذات ابعاد مفصلية. يفضل ان يكون المستمع واعي ومدرك لافكاره حتى لا يتأثر بالسلب من الافكار التي اتناولها في البودكاست. انا لا اريد ان افكر بالنيابة عنك، ولكن من غير قصدي، ممكن تفكيري يأثر فيك. وممكن يكون تأثير انت مش هتحبه لأنه لا يتفق مع ارائك التي تتمسك بها. انا لست مسئول عن تناقض الافكار. انا احارب الفكر بالفكر. انا لست مسئول عن اي حالة نفسي سلبية تنتج عن السماع لهذا البودكاست. انا غير مسئول عن تطبيق اي نصائح او افكار في الحلقة دي. لازم تسمع الحلقة دي بتركيز عشان الافكار ممكن تتسلل داخل رأسك وتغيرك فترجع تلومني. انا مش غلطان انت اللي مكنتش مركز وسبت كلامي يأثر فيك. طبعا انا مش هدعيك تعمل حاجة "غلط" بس هي الفكرة انك مختلف وعايز تحقق اهداف لنفسك والكلام هنا مش دايما هيكون متفق مع الحاجات اللي انت مصدقها. تمام؟ في هذه الحلقة نتناول المواضيع التالية:

• استغلال المرأة
• تأثير الاخبار السلبية على النفسية
• التحرش من تاني
• مجتمع الميم
• اصحاب ولا اعز
• منى زكي
• الفن والمجتمع
• اغتيال زعيم داعش

ثم في باقي الفقرات نتناول: خارج النص:

• عبدة الشيطان في الدقهلية
• سبب فشل العلاقات الزوجية
• مقطع ياسمين صبري عن بدايتها وكيف استغلت تمرين التأمل

إزاي تخلي الناس تحبك: عبرة عن شخص بيتكلم عن نفسه اكتر من اللازم + توليفة فاخرة من السلوكيات المنافية لطبيعة البشر اللي هتخلي الناس تحبك بقدرة قادر. قس امريكي يحرق كتب هاري بوتر وتوايلايت ويقول لاتباعه لا تسمحوا لقوى الظلام بدخول بيوتكم: العنوان شارح نقسه يعني مش محتاجة فقاقة مؤامرة الافرو سنتريك لمحو الهوية المصرية: معلومات جديدة عن مؤامرة تحاك في الظلام ضد مصر فقرة العادات السبعة للاشخاص الاذكياء عاطفيا: ايه هو الذكاء العاطفي ايه لازمته في الحياة وعادات بتفرق الاذكياء عاطفيا عن باقي الناس حشو بلا هدف: ملء فراغ صريح لتقفيل ساعة من بودكاست العصفورة + الردود على بعض التويتات من المغردين الحلقة دي مختلفة لأن مسجلها بره "الكومفورت زون" فاهم؟ اكيد لأ! هتفهم ازاي من غير ماتسمع. انا متعود اني عايش وسط اهلي، وبسجل وسطهم. بس الحلقة دي خرجت بقى من الدايرة دي وبسجل من الشارع. ودي شيء خارق بالنسبة لي، لأني خجول جدا، جدا يعني. فانا بحاول اثبت لنفسي انه عادي مفيش اذية هتحصل لحد. بالعكس دي حاجة هتزود ثقتي في نفسي وهتبني شخصيتي افضل من انا افضل معتاد على نفس الوضع. انا حاسس انك ابتديت تفهم، بس لو سمعت هتفهم اكتر. المهم، انا عامل الحلقة دي بتكلم فيها عن ترندات ومواضيع شائعة وبعلق عليها من وجهة نظري مش اكتر. افهم الدماغ ماشية ازاي واسمع للاخر قبل ما تحكم. هرمون الحب يتسبب في ادمان التحرش: https://bit.ly/3shiX4p