Contacts
Info
Elm və Kosmosu daha yaxın etdik!
Episodes & Posts
Episodes
Posts
16 NOV 2026 · Qonağımız, rəqəmsal marketinq mütəxəssisi və səyahətçi Rozalina Manafova təkbaşına səyahətin sirlərini, Avropa və ABŞ-də (Fransa, Kaliforniya) avtomobil idarə etməyin fərqlərini və böyük xərclərdən necə qaçmağı izah edir. Həmçinin, xarici şirkətlərdə iş tapmaq və beynəlxalq HR müsahibələrindən keçmək üçün ən önəmli karyera məsləhətlərini bizimlə bölüşür.
Aparıcılar: Rəhman Rəsulov, Cavid Neymətzadə
Qonaq: Rozalina Manafova
13 NOV 2026 · Kənd təsərrüfatı fəlakətlərin qarşısını almaq üçün hansı innovativ yollara (dronlar, sensorlar) baş vurmalıdır?
"İqlim Gündəliyi" verilişinin bu buraxılışında ADA Universitetinin professoru, bitki mühafizəsi üzrə fəlsəfə doktoru Sahil Quliyev ilə COP31 zirvəsinin əhəmiyyətini, Azərbaycanın aqrar sektorundakı mövcud quraqlıq və daşqın problemlərini müzakirə edirik. Yeni məhsuldar bitki sortlarının ölkəyə gətirilməsi yerli aqronomlar üçün niyə çətinlik yaradır? Hökumətlər kənd təsərrüfatını daha dayanıqlı etmək üçün hansı addımları atmalıdırlar? Əgər siz də gələcəyin qida təhlükəsizliyi və iqlimin kənd təsərrüfatına təsiri ilə maraqlanırsınızsa, podkastı sonadək izləyin.
13 NOV 2026 · "Planetin səhəri" verilişinin bugünkü buraxılışında qonağımız xaricdə əmlak üzrə mütəxəssis, səyyah Aygün Hacılıdır. Aygün xanım işini itirdikdən sonra aldığı təzminatla birtərəfli bilet alaraq Vyetnama etdiyi uzunmüddətli səyahətdən və orada qazandığı təcrübələrdən bəhs edir.
Aparıcılar: Rəhman Rəsulov, Cavid Neymətzadə
Qonaq: Aygün Hacılı
12 NOV 2026 · Gələcək elə indidir!
Bakıda keçiriləcək II Süni İntellekt Zirvəsi – "Baku AI Summit 2026" ərəfəsində "Zaman Maşını" verilişində texnologiyanın həyatımıza necə təsir etdiyini müzakirə edirik. "FaceMark" şirkətinin layihə rəhbəri Xədicə Cəbrayılova, "Lambda Labs MMC"nin təsisçisi Fərid Hüseynov və Türkiyədən "Logo Group"un Baş Texniki Direktoru İsmayıl Duranın iştirakı ilə Süni İntellektin biznesə, rəqəmsallaşmaya və gündəlik işlərə təsiri barədə maraqlı detallar açıqlanır.
Aparıcı: Nigar Məmmədova
12 NOV 2026 · Verilişin bu buraxılışında təyyarə bələdçisi Elsəvər Məmmədli aviasiya dünyasının və uçuşların ən maraqlı məqamlarını paylaşır. Təyyarə bələdçisi olmaq üçün hansı fiziki və psixoloji şərtlər tələb olunur? Niyə hər bələdçi yalnız müəyyən təyyarə tiplərində (Airbus, Boeing və s.) uça bilər?
Həmçinin, bələdçilərin xüsusi su üzgüçülük təlimləri və təyyarə enişindəki məşhur "alqış" ənənəsi barədə səmimi cavabları eşidəcəksiniz.
Aparıcılar: Rəhman Rəsulov, Cavid Neymətzadə
Qonaq: Elsəvər Məmmədlİ
12 NOV 2026 · Bu buraxılışda qonağımız Azərbaycan Rəssamlar İttifaqının üzvü, beynəlxalq dərəcəli rəssam Röya Abdullayevadır. Röya xanım Parisin məşhur Luvr və Amsterdamdakı Van Qoq muzeyinə necə ödənişsiz daxil olduğunu, Rəssamlar İttifaqı və UNESCO kartlarının verdiyi gizli üstünlükləri izləyicilərimizlə bölüşür. Həmçinin, Albaniyanın gizli cənnəti olan Ksamilin niyə daha ucuz turizm məkanı olduğu, Tiranada Osmanlı izləri və yerli mətbəxin sirləri (Tavë Kosi) müzakirə edilir. İsveçrənin Cenevrə şəhəri ilə Mingəçevir arasındakı bənzərliklərdən tutmuş, Qazaxıstan səyahətinin xüsusiyyətlərinə qədər bir çox fərqli mövzuya toxunulur.
Aparıcı: Rəhman Rəsulov
Qonaq: Röya Abdullayeva
6 NOV 2026 · Layihənin əsas məqsədi elm, təhsil və innovasiyaları geniş ictimaiyyət üçün daha əlçatan, anlaşıqlı və maraqlı etməkdir. ABŞ-nin nüfuzlu Stanford Universitetinin Dayanıqlı Əməliyyatlar üzrə proqramının məzunu Aybəniz İsmayılovanın təqdimatında dinləyicilər ADA Universitetinin müəllim-professor heyəti, tədqiqatçıları və tələbələri ilə aparılan maraqlı müzakirələrdə gündəlik ekoloji vərdişlər üçün praktiki məsləhətlər, idarəetmədə yaşıl təşəbbüslər, dayanıqlıq proseslərinin həyatımızda təzahürü haqqında məlumatlar öyrənəcəklər.
Dünyanı Gözləyən Təhlükə Nədir? | Neft və Qaz Şirkətləri İqlim Fəlakətinə Görə Məsuliyyət Daşıyacaq?
6 NOV 2026 · İqlim dəyişikliyi ilə mübarizə niyə ləngiyir? Niyə illərdir keçirilən qlobal zirvə görüşlərinə baxmayaraq, istixana qazlarının emissiyası hələ də artmaqda davam edir?
Bu podkastda ətraf mühit hüququ və siyasəti üzrə ekspert Sadiqə Mehdiyeva iqlim siyasətinin ən vacib problemlərini və gizli reallıqları açır. O, dövlətlərin və nəhəng korporasiyaların iqlim fəlakətləri qarşısında daşıdığı hüquqi məsuliyyətdən, Beynəlxalq Ədalət Məhkəməsinin qərarlarından və qlobal iqlim miqrasiyası böhranından bəhs edir.
6 NOV 2026 · Verilişin bu dəfəki qonağı "Lifestyle" bloqer və piano müəllimi Gülarə İsmayılova ilə İspaniya səyahəti haqqında maraqlı söhbət etdik. Buraxılışda Barselona, İbiza, Marbella və Seviliya kimi möhtəşəm şəhərlərdəki təcrübələr, "La Sagrada Familia" və Park Güell kimi tarixi abidələr barədə ətraflı məlumat əldə edəcəksiniz. Gülarə xanım həmçinin İspaniyanın yüksək qiymətləri, Paella və Tacos kimi məşhur yeməkləri barədə danışır, eləcə də İspaniya və İtaliyanı müqayisə edərək İspaniyanın nə üçün daha təhlükəsiz və cəlbedici olduğunu izah edir. Gələcək səyahət planlarında Taylandın adalarını (Phi Phi, Phuket, Krabi) kəşf etmək istəyini bildirən qonağımızın İbizada Calvin Harris konsertində yaşadığı inanılmaz hislər və başının üzərindən keçən təyyarələrlə bağlı xatirələri videoya xüsusi rəng qatır.
Aparıcılar: Rəhman Rəsulov
Qonaq: Gülarə İsmayılova
Elm və Kosmosu daha yaxın etdik!
Information
| Author | PLANET FM |
| Organization | PLANET FM |
| Categories | Astronomy , Technology , Careers |
| Website | - |
| javad@pmg.az |
Copyright 2026 - Spreaker Inc. an iHeartMedia Company